Psa 131 | MNA | STEP | Mboe kizin wal ta tizalla pa Yerusalem Mboe ki Dabit O Yooba, ŋgar pakurŋana sa imbot la leleŋ som, aŋwidit ituŋ som, mi aŋkamam be aŋwe biibi som. Tana koroŋ bibip mi uraata bibip ta aŋrao pa som na, aŋmaŋmaŋ pa som.

aRo 12:16; 1Pe 5:5

Psalms 131

Mboe 131

Suŋŋana ki tomtom ta ipakur itunu som, mi ipase pa Merere men

Mboe kizin wal ta tizalla pa Yerusalem Mboe ki Dabit

1 O Yooba, ŋgar pakurŋana sa imbot la leleŋ som,
aŋwidit ituŋ som,
mi aŋkamam be aŋwe biibi som.
Tana koroŋ bibip mi uraata bibip ta aŋrao pa som na, aŋmaŋmaŋ pa som. ^a
2 Pa aŋpase pu tau. Tana aŋkototo ituŋ, mi aŋur niŋ ma aŋbotmbot.
Mi kopoŋ rru som, mi leleŋ ambai men,
kembei pikin ta iwin tui ma irao, mi naana imbaraari na.
3 O niom Israel, kapase pa Yooba, mi kuur motoyom pini be iuulu yom,
ta buri, mi iseeŋge iseeŋge ma ila.